Бүлүү бөлөх улуустарын экологическэй туруктарын чинчийии салҕанар

АЛРОСА, үүнэр көлүөнэ пуондатын уонна өрөспүүбүлүкэ биллэр научнай тэрилтэлэрин холбоһуктаах научнай-чинчийэр бырайыактарын чэрчитинэн, экологтар Бүлүү бөлөх улуустарын өрүстэрин тардыыларын сыаналыахтара. Бу туһунан пуонда пресс-сулууспата иһитиннэрэр.

«26 киһиттэн турар аҕыс этэрээт Аччыгый Ботуобуйа, Бүлүү уонна Марха өрүстэр араас учаастактарыгар үлэлииллэр. Хонуу үлэлэрэ алтынньы бүтүүтүгэр диэри ыытыллыахтара», – диэн этиллэр.

Чинчийиилэргэ ХИФУ Медицинскэй уонна Хотугу прикладной экологияҕа научнай-чинчийэр институттарын, ону тэҥэ Мельников аатынан ирбэт тоҥу чинчийэр институт үлэһиттэрэ кытыыны ылаллар.

Химико-аналитическай чинчийиилэр бастакы түмүктэрэ 2021 сыл саҥатыгар тахсара былааннанар.

Маннык чинчийиилэр айылҕаны харыстыыр тэрээһиннэри ыытарга уонна киһи үлэтин түмүгүттэн тахсар куһаҕан дьайыылары намтатарга олус суолталаахтара бэлиэтэнэр.

Бырагыраама олоххо киириитин уопсай сыаната 138 мөлүйүөн солкуобайга тэҥнэһэр. АЛРОСА 2019 сылга чинчийиилэр бастакы түһүмэхтэрин ыытыыга 40 мөлүйүөн солкуобайы көрбүтэ. В 2020 сылга 41,4 мөлүйүөн солкуобайы үбүлүөҕэ.

«2019–2023 сылларга Бүлүү бөлөх улуустарын эколгическэй туруктарын уонна олохтоох нэһилиэнньэ доруобуйатын чинчийэр комплекснай научнай бырагыраама» Саха өрөспүүбүлүкэтин бырабыыталыстыбата, Үүнэр көлүөнэ целевой пуондата уонна «АЛРОСА» акционернай хампаанньа бииргэ үлэлэһиилэрин туһунан сөбүлэһиилэригэр олоҕуран ыытыллар.