Бүлүүгэ тыҥаны үлэлэтэр аппараттары аҕаллылар

Бүлүү улууһугар тыҥаны үлэлэтэр икки аппараты аҕаллылар. Бу туһунан улуус дьаһалтата иһитиннэрэ. Аппараттары билигин сэллик диспансерын базатыгар тэриллибит обсерваторга уурдулар, салгыы киин балыыһаҕа туһаныахтара.

Ил Дархан Айсен Николаев биллэрбитинэн, өрөспүүбүлүкэҕэ 361 маннык аппарат баар. MYTONA, inDriver уонна «ЯТЭК» хампаанньалар биэрбит үптэринэн эбии аппараттары уонна наадалаах матырыйааллары эбии ылыахтара.