«Бөртө» хампаанньа үлэһитэ ас түҥэтэр тэрилгэ түһэн өлбүт

Хаҥалас улууһун «Бөртө» сылгы собуота» ХЭУо 22 саастаах үлэһитэ, ас түҥэтэр тэрилгэ түһэн өлбүт. Бу туһунан Россия Силиэстийэлиир кэмитиэтин Саха сиринээҕи Силиэстийэлиир салалтатын пресс-сулууспата иһитиннэрэр.

Россия Силиэстийэлиир кэмитиэтин Саха сиринээҕи улуустар икки ардыларынааҕы киин силиэстийэлиир салаата оннугар процессуальнай бэрэбиэркэ ыытар.

«2019 сыл алтынньы 19 күнүгэр силиэстийэлиир уорганнарга Хаҥалас улууһун Улахан Аан сэлиэнньэтигэр, «Бөртө» сылгы собуота» 22 саастаах үлэһитэ ынахтары аһатыы кэмигэр ас түҥэтэр тэрилгэ түһэн өлбүтүн туһунан иһитиннэрии киирбит», — диэн этиллэр.

Бэрэбиэркэ түмүгүнэн тустаах быһаарыы ылыллыа.