«Бөртө конезавод» умайбыт гарааһын тутуохтара

Хаҥалас оройуонун баһылыга Олег Иринеев Улахан Ааҥҥа баар «Бөртө конезавод» уокка былдьаммыт гараһын суһаллык тутарга сорудахтаата. Ороскуот сороҕун дьаһалта уйунуоҕа.

«Конезавод киэҥник биллэр улахан база буолар. Биһиги дьаһалта аатыттан көмөлөһүөхпүт», — диэбит оройуон баһылыга.

Санатан эттэххэ, тохсунньу 6 күнүгэр конезавод бары тиэхиньикэтэ баһаарга былдьаммыта. Гаражка хас даҕаны тыраахтар, УАЗ массыыналар, КамАЗ турбут. Уот барбыт төрүөтүн быһаараллар.