Бөртөлүөт Алдан куорат аэропордугар түһэргэ күһэллибит

Алтынньы 22 күнүгэр Robinson R44 бөртөлүөт бензина бүтэн, Алдан куорат аэропордугар түһэргэ күһэллибит.

«Robinson R44 бөртөлүөт көҥүлэ суох Дьокуускай куорат чугаһыгар баар Владимировка бөһүөлэгиттэн көтөн тахсан баран, Алдан куорат аэропордугар олорбут. Барыллааһын быһыытынан оттуга бүппүт», — диэн этиллэр.

Бөртөлүөт аэропорт үлэтин чааһа түмүктэммитин кэнниттэн, олохтоох бириэмэнэн 18.40 чааска түспүт.

Көҥүлэ суох көтүү иһин пилот административнай ыстараап төлүө. Бөртөлүөн ханнык хайысханан көтөн испитэ чопчуламмат.