Баатаҕай Алыытын олохтоохторо көтөрдөр өлүктэрин булбуттар

Алтынньы 7 күнүгэр Эбээн Бытантай улууһун Баатаҕай Алыыта бөһүөлэгин олохтоохторо уонча барабыай өлүгүн булбуттар.

Улуус бэтэринээринэй сулууспатын салайааччыта Саргылана Николаева бу иһитиннэриини бигэргэттэ уонна инники маннык түбэлтэ бэлиэтэнэ илигин туһунан иһитиннэрдэ.

«Көтөрдөр туохтан өлбүттэрин билигин этэр кыахпыт суох. Чэппиэргэ боруобалары Дьокуускайга экспертизаҕа ыытыахпыт. Түмүк кэлэр нэдиэлэҕэ биллиэ», – диэн эттэ.