Баатаҕайга ыксаллаах балаһыанньа биллэрилиннэ

От ыйын 1 күнүгэр Дьааҥы улууһун Баатаҕай бөһүөлэгэр баар ньиэп баазатын чугаһыгар, бэс ыйын 29 күнүгэр үөскээбит уоттан сылтаан ыксалаах балаһыанньа биллэрилиннэ.

«Билигин манна утары куттал суоһаабат, ол да буоллар уот 200-300 миэтэрэ чугас баар. Кураан этиҥнээх ардахтан үөскээбит икки уот баара билиннэ. Биир уот умуруорулунна, иккис — эргитилиннэ. Ол да буоллар күн-дьыл туруга уларыйа турарынан сибээстээн, уоту толору умуруорар кыаллыбата», — дьиэн Дьааҥы улууһун баһылыга Гаврил Чириков иһитиннэрдэ.

Билиҥҥи туругунан оннугар 70 киһи, алта уу таһар тиэхиньикэ, икки бааһаарынай расчет, биир будьдозер, алта сир кырсын таҥастыыр погрузочнай кран үлэлиир.