Балаҕан ыйын 21-26 күннэригэр ХИФУ-га устудьуоннар наукаларын нэдиэлэтэ ааһыаҕа

Балаҕан ыйын 21-26 күннэригэр Хотугулуу-Илиҥҥи федеральнай үнүбэрсиэткэ устудьуоннар наукаларын нэдиэлэтин чэрчитинэн 100-тэн тахса онлайн тэрээһин ыытыллыаҕа. Бу туһунан үрдүк үөрэх кыһатын пресс-сулууспата иһитиннэрэр.

«Үнүбэрсиэт бары салааларыгар научнай-практическай конференциялар, семинардар, олимпиадалар, лекциялар уонна маастар-кылаастар бастакытын ZOOM платформа нөҥүө ыытыллыахтара», — диэн этиллэр.

Бастакы куурус устудьуоннарыгар наука эйгэтигэр киирэр кыахтары билиһиннэрэр уонна научнай чинчийиилэргэ интэриэһи тардар «Наукаҕа суол: эдэр чинчийээччи оскуолата» маастар-кылаас ыытыллыаҕа.

Тас дойдулар филологияларын уонна регионоведение института Франция үнүбэрсиэттэрин граннарын билиһиннэрэр онлайн-викторина уонна научнай семинардары тэрийиэҕэ.

Спикердартан биирдэстэринэн лингвистика магистра, Болонскай үнүбэрсиэти түмүктээбит Вера Казарцева буолара бэлиэтэнэр. Кини Италияҕа үөрэнии туһунан кэпсиэҕэ.