Балаҕан ыйын 27 күнүгэр Алдаҥҥа виртуальнай кэнсиэртиир саала аһыллыаҕа

Балаҕан ыйын 27 күнүгэр Алдаҥҥа 80 квадратнай миэтэрэ иэннээх виртуальнай кэнсиэрдиир саала аһыллыаҕа. Бу туһунан СӨ Култууратын министиэристибэтэ иһитиннэрэр.

Саха сиринээҕи Филармония иһитиннэрэринэн, виртуальнай саала үлэлииргэ туһааннаах оборудованиенан хааччыллыылаах. Динамиктар, эффект-процессордар, сабвуфер, цифровой микшер, сенсорнай экран, көрдөрөр экран, радио ситстиэмэтэ, микрофон уонна ноутбук атыылаһылынна.

Бүгүҥҥү туругунан, кэнсиэртиир саала буолар дьиэтигэр өрөмүөн ыытыллар. Өрөмүөн 350 тыһыынча солкуобайга тэҥнэһиэҕэ.

Бу бырайыак «Култуура» национальнай бырайыак чэрчитинэн олоххо киирдэ. Виртуальнай кэнсиэрдиир саала тэриллэр куораттара куонкурус нөҥүө талыллыбыттара. Бырайыак олоххо киирэригэр эрдэттэн баар саалалары дойду үрдүнэн уларытан, саҥа аныгы оборудованиенан хааччыйан, музыканнар оонньууларын үрдүк хаачыстыбалаахтык быһа эфиринэн көрдөрүөхтэрэ.