Бастакы бэрэсэдьиэн Михаил Николаев оскуолаларын ситимин үлэһиттэрин мунньаҕа ыытыллыаҕа

Кулун тутар 15-18 күннэригэр өрөспүүбүлүкэ бастакы бэрэсэдьиэнэ Михаил Николаев оскуолаларын ситимин үлэһиттэрин мунньаҕа буолуоҕа. Бу туһунан үүнэр көлүөнэ пуондатын пресс- сулууспата иһитиннэрэр.

Тэрээһин «Модернизация биэс хардыыта» 2032 сылга диэри сайдыытын стратегиятын дьүүллэһиигэ, саҥа усулуобуйаҕа үөрэх тиһигин сайыннарыы, ону тэҥэ авторскай технологиялары кытта үрдүк таһымнаах бырагырааманы ырытан оҥорууга ананыаҕа.

Сүбэ мунньах онлайн эрэһииминэн бастакытын ыытыллара бэлиэтэнэр, онон ситим оскуолаларын хас биирдии үлэһитэ кыттар кыахтаныаҕа.

Маны таһынан, кыттааччылар цифровой трансформациялааһын тиһигин модернизациялааһын, оскуола технопаркаларын тэрийии, каадырдары бэлэмнээһин, үөрэтии аныгы халыыбын оҥоруу уонна авторскай ньымалары тэрийии дьоһун боппуруостарын дьүүллэһиэхтэрэ.

Сүбэ мунньах чэрчитинэн, Саха сирин бастакы бэрэсэдьиэнин оскуолаларын ситимин XXV үбүлүөйдээх, математикаҕа, физикаҕа, химияҕа, биологияҕа, информатикаҕа, 3Д- с моделированиеҕа уонна гуманитарнай наукаларга олимпиадата саҕаланыаҕа.

Олимпиада түмүгүнэн «Туймаада»аан дойдутааҕы Олимпиадаҕа кыттарга сүүмэрдэммит хамаанда тэриллиэҕэ.

Мунньах бырагырааматын оскуола ситимин сайтыгар көрүөххэ сөп.