Бастыҥ #GoEast стартаптар Уһук Илин олоххо киирэллэригэр 500 мөлүйүөн солкуобайга диэри үбүлэниэхтэрэ

Уһук Илиҥҥи үрдүк технологиялар пуондалара (ДФВТ) стартаптарга аһаҕас сүүмэрдээһини ыытарын туһунан биллэрдэ. Бу туһунан Арктика уонна Уһук Илин сайдыытын министиэристибэтин пресс-сулууспата иһитиннэрэр.

«Биир бырайыагы пуонда 50-тан 500 мөлүйүөн солкуобайга диэри үбүлүөҕэ. #GoEast талбыт уонна биһигини кытта өрөспүүбүлүкэҕэ бизнес-былаан сайдыытын бэлэмнэспит хампаанньалар, былааннара олоххо киирэригэр үбүлэниэҕэ», — диэтэ Уһук Илиҥҥи үрдүк технологиялар пуондаларын генеральнай дириэктэрэ Руслан Саркисов.  

Пуонда экспертэри кытта биэс күүстээх бырайыагы талыаҕа, сөбүлэҥ түһэрсэргэ ыҥырыы биэриэҕэ. Маны таһынан кыттааччыларга Уһук Илин технологическай урбаан сайдыытын туһунан вебинардары уонна көрсүһүүлэри ыытыаҕа. Сайаапкалары хомуйуу алтынньы 5 күнүгэр дылы уһатыллыаҕа.

12 ый иһигэр 30 мөлүйүөн дохуоттаах уонна дакаастаммыт эффектээх технологическай хампаанньа кыттыан сөп. IT, энергетика, промышленность. үөрэх, медицина технологията уонна биотехнология, ол иһигэр тыа хаһаайыстыбатыгар туһуланар бырайыактар биһирэниэхтэрэ.

Бырайыак  Арктика уонна Уһук Илин сайдыытын министиэристибэтин өйөбүлүнэн ыытыллар.