Бээчэ — дьиэҕэ иитиллибит тайах оҕото көҥүлгэ үөрэннэ

НВК САХА — Дьоҥҥо үөрэммит, Бээчэ диэн ааттаммыт тайах оҕото былырыын сайын ойуурга соҕотох сылдьарын булан, сыл кэриҥэ дьоҥҥо иитиллибит. Бу дьыл кулун тутар ыйыгар Дьааҥы улууһун Чаркы үрэҕин тамаҕар баар «Туостаах» резерват сиригэр көҥүлгэ ыыппыттар. Бу туһунан СӨ Экологияҕа министиэристибэтин пресс-сулууспата иһитиннэрэр.

Кыылга иилиллибит радиолаах моойторук нөҥүө тайах оҕото ханан сылдьарын биллэрэр сигналы ыытара. Ый кэриҥэ буолан баран сигнал уларыйбакка, биир эрэ миэстэттэн кэлэр буолбут. Онон инспектордар кыыл өлбүт диэн сабаҕалаабыттар.

Соһуйуох иһин, ааспыт ыйга тыыннаах уонна бэрт доруобай көрүҥнээх, улааппыт моойторуга суох Бээчэ метеорологтар ыстаансыйаларыгар тахсан кэлбит.

Метеорологтар тайах сылдьар сиринэн сэрэтэр суруктары туруордулар, хаар түһүөр диэри спутниковай моойторугун көрдүөхтэрэ.