Беркакит бөһүөлэгин олохтоохторо уота суох хаалбыттар

Үс тыһыынча кэриҥэ нэһилиэнньэлээх Беркакит бөһүөлэгэрэ уота суох хаалбыт. Исписэлиистэр уот ситимин чөлүгэр түһэрэр үлэлэри ыыталлар. Бу туһунан өрөспүүбүлүкэтээҕи ОДьКХ министиэристибэтин пресс-сулууспата иһитиннэрэр.

«Уот барыытын биричиинэтэ быһаарыллар. Саахалы туоратар биригээдэ үрдүк күүрүүлээх уот ситимин кэрийэн көрөр. Үс тыһыынча кэриҥэ нэһилиэнньэлээх бөһүөлэк уота суох олорор», — диэн этиллэр.

Хочуолунайдар саппаас источниктарга холбоммуттар. Икки чаас буолан баран социальнай суолталаах эбийиэктэргэ уоту биэрии сөргүтүллүбүт.