«Бичик» кинигэ кыһата электроннай үөрэх кинигэлэригэр босхо киирэр кыах аста

«Бичик» кинигэ кыһата 5-9 кылаас үөрэнээччилэригэр анаан «Саха тыла» уонна «Төрөөбүт литература» предметтэргэ электроннай үөрэх кинигэлэригэр босхо киирэр кыах аста. Бу туһунан СӨ үөрэххэ министиэристибэтин пресс-сулууспата иһитиннэрэр.

«Оскуолалар дойду үөрэҕириигэ министиэристибэтэ сүбэлээбит платформаларын көхтөөхтүк туһаналлар. СӨ үөрэххэ уонна наукаҕа министиэристибэтэ сүбэлэри ыыталаата, устуодьуоннар уонна оскуола оҕолоро интернеттэрин түргэнин, көмпүүтэрдэринэн хааччыллыылаахтарын уонна уот барар түгэнин учуоттаан биэс араас дьиэттэн үөрэнии хайысхатын бэлэмнээтэ», — диэн этиллэр.

Электроннай үөрэх кинигэлэрэ билии хаачыстыбатын бэрэбиэркэлиир кыахтаахтар, матырыйаллара саҥардылла турар. Кинигэлэри бу ссылканан хачайдаан ылыахха сөп.

Инники этиллибитинэн, СӨ үөрэххэ уонна наукаҕа министиэристибэтэ оскуола оҕолоро дьиэттэн үөрэниилэрин ыйынньыгын бигэргэппитэ.