Биэнсийэлээхтэри балыыһаҕа таһарга харчы көрүлүннэ

Уһук Илин регионнарыгар биэнсийэлээхтэри балыыһаҕа таһарга массыына ыларга 190,2 мөл. солкуобай көрүлүннэ.

Бу туһунан Интерфакс иһитиннэрэр.

«Национальнай бырайыактартан дьон үксүн медицинскэй өҥө тупсарын, үөрэх, культурнай, спортивнай объектар тутуллалларын, үлэ миэстэтэ тахсарын күүтэллэр эбит», — диэн иһитиннэриигэ этиллэр.

Бурятия — 30,065 мөл. солк., Саха сирэ — 19,9 мөл. солк., Забайкалье — 19,8 мөл. солк., Еврей уонна Сахалин автономнай уобаластара — 9,5 мөл. солк., Приморье — 26,3 мөл. солк., Хабаровскай кыраай — 22,8 мөл.солк., Амур уобалаһа — 23,3 мөл. солк., Магадан уобалаһа — 14,6 мөл. солк., Чукотка — 4,9 мөл. солк. ылыахтара.

Уопсайа регионнарга 2,36 млрд. солк. тыырыллыаҕа. 1,6 тыһыынча массыына ылыахтара. Бу соругу толоруу «Үөрэҕирии», «Доруобуйа харыстабыла», «Култуура», «Демография» национальнай бырайыактар чэрчилэринэн барар.