Биир кэлим эксээмэн ыытыллар болдьоҕо көстө

Россия үөрэҕириигэ министиэристибэтэ Биир кэлим судаарыстыбаннай эксээмэни туттарыы болдьоҕун көһөрөр туһунан бигэргэттэ. Бу туһунан ТАСС иһитиннэрэр.

«Биир кэлим судаарыстыбаннай эксээмэни үрдүк үөрэх кыһаларыгар туттарсар эрэ дьон туттараллара былааннанар. Эксээмэн ыытыллар болдьоҕо кэлин чопчуланыаҕа», — диэн биэдэмистибэ пресс-сулууспата бэлиэтиир.

9-с кылааһы бүтэрэр оҕолор туттарар нуучча тылын уонна математика эксээмэннэрэ ууратылыннылар. Түмүк сыаналар сыллааҕы сыана түмүгүнэн туруоруллуохтара.