Биир кэлим судаарыстыбаннай эксээмэннэри туттарыы болдьоҕо бигэргэннэ

Россия үөрэҕириигэ министиэристибэтэ биир кэлим судаарыстыбаннай эксээмэннэри ыытыы болдьоҕун бигэргэттэ. Бу туһунан ТАСС иһитиннэрэр.

Эксээмэннэри туттарыы от ыйын 3 күнүттэн саҕаланыа, оскуоланы бүтэрээччилэр маҥнайгынан география, литература, информатика уонна информационнай-коммуникационнай технологиялар эксээмэннэрин туттарыахтара.

Боруобалыыр эксээмэннэр бэс ыйын 29 уонна 30 күннэригэр ыытыллыахтара.

Нуучча тылыгар биир кэлим эксээмэн от ыйын 6 уонна 7 күннэригэр ыытыллыаҕа, профильнай таһымнаах математика — от ыйын 10 күнүгэр, история уонна физика — от ыйын 13 күнүгэр, обществознание уонна химия — от ыйын 16 күнүгэр. Омук тыллара «Саҥарыыттан» ураты — от ыйын 22 уонна 23 күннэригэр, биология — от ыйын 20 күнүгэр.

От ыйын 24 уонна 25 күннэрэ, ону тэҥэ атырдьах ыйын 3, 5, 7 уонна 8 күннэрэ эксээмэннэри туттарыы резервнэй күннэринэн биллэрилиннилэр.

Биир кэлим эксээмэннэр бары олохтоох бириэмэнэн сарсыарда 10. 00 чаастан саҕаланыахтара.