Билиҥҥи туругунан Саха сиригэр алта киһи коронавируһунан ыалдьыыга уорбаланар

Өрөспүүбүлүкэтээҕи Роспотребнадзор управлениетын салайааччыта Маргарита Игнатьева коронавируһунан ыалдьыыга уорбаланар киһи ахсаана алтаҕа тиийбитин туһунан иһитиннэрдэ.

«Роспотребнадзор Москватааҕы киин аппаратыттан Саха сиригэр биир киһиэхэ COVID-19 вируһа көстүбүтүн туһунан бигэргэттэ. Аҕыйах мүнүүтэ анараа өттүгэр өссө биир чугас киһитэ эмиэ коронавируһунан сутуллубутун туһунан билиннэ», – диэн Маргарита Игнатьева кэпсээтэ.

Бүтэһик иһитиннэриинэн, Саха сиригэр биир киһиэхэ COVID-19 вируһунан сутуллубута бигэргэннэ уонна өссө алта киһи коронавируһунан ыалдьыыга уорбаланар.