Билии күнүгэр линейка быйыл атыннык ыытыллыаҕа

Быйыл балаҕан ыйын 1 күнүгэр Билиин күнүн линейката оскуолаларга атыннык буолуоҕа.

«Линейка атыннык буолуоҕа. Учууталлар уонна оҕолор оскуолаҕа кэлэн, үөрэх саҕаланыа диэн эрэнэбит», — диэбит дойду үөрэҕириигэ миниистирэ Сергей Кравцов.

Үөрэх дьылын коронавирус дьаҥын тарҕаппат туһугар туох баар быраабыланы барытын тутуһан саҕалыахтара. Оҕолору салгыы оскуолаҕа үөрэтиэхтэрэ, интернетинэн үөрэхтэн аккаастанар былааннаахтар. Бу иннинэ Роспотребнадзор оскуолаларга маассабай тэрээһиннэри тохсунньу 1 күнүгэр диэри боппута.