Бизоннар иккис баартыйаларын Плейстоценовай пааркаҕа аҕалыахтара

Бизоннар иккис баартыйаларын өрөспүүбүлүкэ хотугулуу-илин өттүгэр баар Плейстоценовай пааркаҕа, мамонтавой истиэптэр экосистемаларын тэрийии эксперименин чэрчитинэн аҕалыахтара. Бу туһунан ТАСС иһитиннэрэр.

Бизоннар бастакы баартыйаларын 2019 сыл сааһыгар аҕалбыттара. Кыыллар сибиир тымныы усулуобуйатыгар олохсуйуохтарын сөбүн көрдөрдүлэр.

Учуонайдар дааннайдарынан, плейстоцен кэмигэр бу кыыллар билиҥҥи Саха сиригэр мамоннары кытта тэҥҥэ үөскээбиттэр.

«2021 сылга бизоннар иккис баартыйаларын Латвия5а истиэп бизоннарын иитэр ферматтан а5алары былаанныыбыт», — диэтэ паарка салайааччыта, учуонай Никита Зимов.

Кини Плейстоценовай паарка овцебыктары ыларыгар судаарыстыбаттан өйөбүлгэ наадыйарын эбэн эттэ.

Плейстоценовай паарка Саха сирин хотугулуу-илин өттүгэр, Черскэй бөһүөлэгиттэн соҕуруу 30 килэмиэтир тэйиччи сытар. Паарка 1996 сыллаахха тэриллибит. Онно хотугу табалар, саха сылгылара, тайахтара, истиэп бизоннара, зубрдар, овцебыктар, яктар, калмыкскай ынахтар уонна барааннар иитиллэн тураллар.