Богдан Прокопьев Россия кубогын үрүҥ көмүс призера буолла

Богдан Прокопьев России пауэрлифтиҥҥа кубогар үрүҥ көмүс мэтээли ылла уонна юниордар кэккэлэригэр саҥа рекорду олохтоото. Бу туһунан «Спорт Якутии» иһитиннэрэр.

Саха спортсмена классическай троеборьеҕа эр дьон кэккэтигэр саамай үрдүк ыйааһыҥҥа кытынна. Онуоха 337,5 киилэ ыйааһыны көтөҕөн юниордар кэккэлэригэр саҥа рекорду олохтоото. Троеборье түмүгүнэн барыта 842,5 киилэни ылла уонна турнир үрүҥ көмүс мэтээлин ылла.

Россия турнира Тула куоракка «Саҥа көлүөнэ» спортивнай комплекска алтынньы 6-11 күннэригэр ааста. Россия 56 регионуттан уопсайа 400-кэ спортсмен араас ыйааһыҥҥа жим, классическай жим, троеборье уонна классическай троеборье көрүҥнэринэн кытыннылар.

Кубок пандемия саҕаланыаҕыттан саамай маассабай күрэхтэһиинэн буолбута этиллэр.