Бороҕоҥҥо Саха сирин норуоттарын XXX спортивнай оонньуулара буолар күнүн ааҕан саҕалыахтара

Бүгүн, алтынньы 8 күнүгэр, Уус Алдан Бороҕонугар Саха сирин норуоттарын XXX спортивнай оонньуулара буолар күнүн ааҕыыны үөрүүлээх быһыыга-майгыга саҕалыахтара. Бу туһунан СӨ баһылыгын уонна бырабыыталыстыбатын пресс-сулууспата иһитиннэрдэ.

2022 сылга Саха сирин норуоттарын XXX спортивнай оонньуулара ыытыллыахтара, маныаха диэри 1000 күн хаалла. Улуустааҕы спорт уопсастыбаннаһын пуорумугар бу күнү ааҕыы саҕаланыа.

Пуорум кэмигэр 2019 сылга Аммаҕа ыытыллыбыт спортивнай оонньуулар чөмпүйүөннэрин уонна призердэрин чиэстээтилэр, сири-уоту тупсарыы туһунан ырыттылар, ону таһынан спартакиада кыттааччыларын уонна ыалдьыттарын олохтуур туһунан кэпсэттилэр.

«Улуус баһылыга Алексей Федотовы кытта көрсүһүүгэ 2022 сылга ыытыллар күрэхтэһии былааннарын уонна соруктарын, кэпсэтиилэр түмүктэрин таһаарыахтара», — диэн иһитиннэриигэ этиллэр.

Ону таһынан пуорум иннинэ улууска ГТО нуорматын туттардылар. Тэрээһиҥҥэ Уус Алдан улууһун 5883 олохтооҕо кытынна.