Булуҥ улууһугар 4,3 магнитудалаах сир хамсааһына буолла

Булуҥ улууһун Тиксии бөһүөлэгиттэн 51 килэмиэтир тэйиччи сиргэ 4,3 магнитудалаах сир хамсааһынын сейсмологтар бэлиэтээтилэр.

Иһитиннэриини Россия наукаларын академиятын чинчийэр киинин Саха сиринээҕи салаата бигэргэттэ. Чугас сытар нэһилиэнньэлээх пууннарга хамсааһын биллибэтэх.

РФ ыксаллаах быһыыга-майгыга министиэристибэтин Саха сиринээҕи салаатын пресс-сулууспата иһитиннэрэринэн, нэһилиэнньэттэн үҥсүү киирбэтэ, алдьаныы уонна эмсэҕэлээһин тахсыбата.