Буулдьанан ытыыга Россия чемпионатыгар саха кыыһа үрүҥ көмүс призер буолла

10 миэтэрэ тэйиччи сиртэн буулдьанан ытыыга Россия чемпионатыгар саха кыыһа Алина Готовцева үрүҥ көмүс призер буолла. Бу туһунан «Спорт Якутии» портал иһитиннэрэр.

Москва куораттан сылдьар Дарья Сироткина, дьахталлар икки ардыларыгар 10 миэтэрэ тэйиччи сиртэн биэстэ сэрээттэнэр пневматическай бистэлиэтинэн ытыыга кыайда. Үрүҥ көмүс мэтээли Саха сириттэн сылдьар спорт маастарыгар хандьытаат Алина Готовцева ылары ситистэ.

Алина Олимпийскай резервэ училищетын 9-с кылааһын үөрэнээччитэ. Атырдьах ыйыгар Россия Кубогар буулдьанан ытыыга 600-тэн 567 көрдөрүүлээх спорт маастарын нуорматын толорбута.

Балаҕан ыйын 6 күнүттэн 14 күнүгэр диэри Казань куоракка буулдьанан ытыыга Бүтүн арассыыйатааҕы уонна Россия хамаандатын чемпионата ыытылла турар. Күрэхтэһиигэ өрөспүүбүлүкэттэн уон ытааччы кыттыаҕа.