Быһыы ылбатах оҕолор уһуйааннарга сылдьыыларынан бэрэбиэркэ ыытыллыаҕа

Дьокуускайга ирдэнэр быһыы ылбатах оҕолор оскуолаҕа киириэн иннинээҕи саастаах оҕолор үөрэх кыһаларыгар сылдьыыларын чахчыта биллибитинэн сибээстээн, үөрэх тэрилтэлэригэр анал бэрэбиэркэлэр ыытыллыахтара.

Куорат дьаһалтатын нэдиэлэ ахсын ыытыллар планеркатыгар этиллибитинэн, 13 №-дээх «Светлячок» уонна 96 №-дээх «Незабудка» уһуйааннарга маннык быһыы тахсыыта биллибит. Дьокуускай куорат доруобуйа харыстабылыгар уонна үөрэҕириигэ салалталарыгар өссө ханнык үөрэх кыһаларыгар манный түбэлтэ тахсыбытын быһаарарга дьаһал бэрилиннэ.

Куорат доруобуйа харыстабылыгар салалтатын бэрэстэбиитэлэ тириэрдибитинэн, сыстыганнаах ыарыы тарҕаныытын боппуруоһа бигэ таһымҥа сылдьар, ыарыы тарҕаныытын үрдээһинэ бэлиэтэммэт.

«Ол да буоллар, ааспыт нэдиэлэҕэ вирустаах сыстыганнаах ыарыы ахсаана 30 %-нан үрдээбит, улахан аҥара сэттэтигэр диэри саастаах оҕолор», – диэн этиллэр.