Быйыл «ГудФест» бэстибээл онлайн ыытылынна

Аан дойдутааҕы оҕо көмүскэлин күнүн чэрчитинэн Саха сиригэр сыллата ыытыллар «ГудФест» бэстибээл түмүгүн таһаардылар. Бу туһунан өрөспүүбүлүкэтээҕи үүнэр көлүөнэ пуондатын пресс-сулууспата иһитиннэрэр.

«Сылын ахсын ыытыллар бэстибээл быйыл дистанционнай быһыылаах да буоллар, олус көхтөөхтүк ааста. Бу барыта биһиги партнердарбыт — корпоративнай волонтердар көмөлөрүнэн табылынна», – диэн пуонда генеральнай дириэктэрэ Владимир Егоров эттэ.

Бэстибээл чэрчитинэн араас хабааннаах куонкурустар, маастар-кылаастар, лекциялар уонна оонньуулар ыытылыннылар. Бөҕү тус-туһунан арааран муһуу, үбү-харчыны сөптөөхтүк туһаныы, сокуоннай сааһын ситэ илик оҕо үлэлиир быраабын туһуһан видео-уруоктар уонна лекциялар ыытылыннылар.

Модун» национальнай спорт көрүҥнэрин киинэ «Хабылык» остуол оонньуутун уратыларын уонна быраабылаларын билиһиннэрдэ. Саха сирин алын наукатын академиятын «Көрдөөх наука» бырайыагын сырдатта, ону тэҥэ DJ URAAN маастар кылааһа ааста.