Быйыл кыһын кэккэ улуустарга таба кыстыга уустугурда

Бүгүҥҥү туругунан Саха сиригэр 159 тыһыынча кэриҥэ дьиэ табата баар. Уопсайа сыл саҕаланыаҕыттан 106 хаһаайыстыба табаны иитиинэн дьарыктанар. Манна тыһыынчаттан тахса үлэһит түбүгүрэр.

Быйыл 41 тыһыынча тугут төрөөбүт. Онуоха төрүөх 60 %-на хаалла. Бу көрдөрүү былырыыҥҥыга холоотоххо 6 %-нан тубуста. Ордук Анаабыр, Аллараа Халыма, Кэбээйи, Эдьигээн хаһаайыстыбаларын үлэлэрэ үчүгэй көрдөрүүлээх.

Таба билигин туруга учугэй, кыһыҥҥы мэччирэҥҥэ таҕыста. Инники этиллибитинэн, ахсынньы 15 күнүгэр диэри харааллааһын ыытыллар.

Алдаҥҥа уонна Өлүөхүмэҕэ сөҥүү түһэрэ сабаҕаланар. Ардах табаҕа куһаҕаннык дьайар, сут уонна маассабай өлүү төрүөтэ буолуон сөп. Итиэннэ эһэ, бөрө мэнээгэ эмиэ кутталы суоһуур диэн бэлиэтэнэр.