Быйыл саха буойун суруйааччыта, поэт Тимофей Сметанин төрөөбүтэ 100 сыла

Тимофей Сметанин 1919 сыллаахха сэтинньи 25 күнүгэр Кэбээйи улууһугар Кэбээйи нэһилиэгин «Маҥан кэрэх» диэн сиригэр күн сирин көрбүтэ. 11 сааһыгар оскуолаҕа үөрэнэ киирэн, 1933 сыллаах түөрт кылааһы бүтэрбитэ.

Оҕо сааһыттан айар дьоҕурдааҕа биллэн, бастакы хоһоонорун  оскуолаҕа сылдьан айарын саҕалаабыт. Кэлин Калинин аатынан колхозка суоччутунан, Пантелеймон Тулааһынап литературнай куруһуогун көхтөөх кыттааччыта буолар. Сэрии саҕаламмытыгар Аҕа дойду көмүскэлигэр ыҥырар хоһоон циклын айар. Ол кэннэ 1942 сыллаахха бэйэтэ фроҥҥа аттанар.

Тимофей Сметанин 100 сылын Сииттэ нэһилиэгэр киэҥ далааһынаахтык бэлиэтээтилэр. Аһаҕас уруоктар, кылаас чаастара ыытылыннылар. Сииттэҕэ Нам улууһун делегацията ыалдьыттаата. Чуолаан төрөппүт кыыһа Татьяна Тимофеевна кыттыыны ылла.

«Наһаа үөрдүм, долгуйдум. Үчүгэйэ диэн бу оҕо бырайыага буолар. Оҕолор эмиэ өйдөөн-санаан, үөрэтэн, бу маннык мэҥэ таас турда. Улахан махтал олохтоохторго!», — диэн Татьяна Тимофеевна санаатын үллэһиннэ.