«Быыһыыр үлэлэр» компетенцияҕа WorldSkills Russia — 2021 чемпионата буолла

Тохсунньу 18-22 күннэригэр өрөспүүбүлүкэҕэ «Быыһыыр үлэлэр»/Rescue Service» хайысхаҕа «Эдэр профессионаллар» (WorldSkills Russia) — 2021 чемпионат буолан ааста. Бу туһунан өрөспүүбүлүкэтээҕи быыһыыр сулууспа пресс-сулууспата иһитиннэрэр.

Чурапчы колледжыгар 45 кыттааччы күрэхтэстэ. Уопсайа 14-16 саастаах оҕолор уонна 16-22 саастаах эдэр профессионаллар хамаандалара, маны таһынан, Саха сирин араас орто анал үөрэх тэрилтэлэрин устудьуоннара.

Күрэхтэһии түөрт хайысханан ыытылынна: «Баһаарынай куттала суох буолуу», «Суһал көмөнү оҥоруу», «Ыксаллаах быһыыга-майгыга көмүскэл» уонна «Үрдүккэ үлэ». Кыайыылаахтар тохсунньу 29 күнүгэр биллиэхтэрэ.