Чурапчы хаһаайыстыбаларыгар кыстыкка бэлэмнэнии түмүктэннэ

Чурапчы улууһун хаһаайыстыбалара кыстыкка бэлэмнэрин иһитиннэрдилэр. Бу туһунан улуус дьаһалтатын пресс-сулууспата иһитиннэрэр.

«Эһиилгиттэн үүт соҕотуопкатын барыстаах механизма киирэринэн, нэһилиэнньэ сүөһү төбөтүн аҕыйаппат былааннаах», — диэн иһитиннэриигэ этиллэр.

Нэһилиэк баһылыктара видеоконференция эрэһииминэн зернофураж, комбикорм таһыытын, мелиорация үлэтин туһунан кэпсээтилэр. Администрация дьаһалтатын уонна тыа хаһаайыстыбатын исписэлиистэрин кытта үүтү соҕотуопкалааһын, сүөһү төбөтүн ахсаанын оннунан хаалларыы туһунан боппуруостары ырыттылар.

Сүбэ мунньах түмүгүнэн, баһылыктарга былааннаммыт көрдөрүүттэн намыһаҕа суох соруктар туолууларын быһаарар үлэни, сүөһү эбии аһылыгын таһыы уонна үүт, эт соҕотуопкатын боппуруостарын хонтуруолга тутарга мэктиэлээтилэр.