Чурапчы көһөрүүтүн 77-с сылын бэлиэтээтилэр

НВК САХА — Аҕа Дойду Улуу сэриитин кэмигэр 1942-1944 сылларга  Чурапчы оройуонун 41 колхуоһун күүс өттүнэн хоту улуустарга көһөрбүттэрэ. Кыстык кыһарыйан кэлиитин саҕана чурпчылары Булуҥҥа, Кэбээйигэ уонна Эдьигээҥҥэ утаарбыттара.

Ол кэмтэн хайыы үйэ 77 сыл ааста. Бүгүн Чурапчы нэһилиэгэр ол ыар кэми үйэтитэн, «Ийэ уонна оҕо» мемориалыгар сибэкки дьөрбөтүн уурдулар.Сору-муҥу көрбүт дьону кэриэстээн биир мүнүүтэ иһийэн турдулар.

Миитиҥҥэ  оччотооҕу алдьархайы эт бэйэлэринэн билбит дьону сэргэ, кэнчээри ыччат муһунна.

«Бу көһөрүү дьоҥҥо сүрдээх иэдээннээх быһыы-майгы быһылаах этэ. Биһиги оҕолор буолан оҕо-оҕо курдук өйдөбүллээх этибит. Мин билигин саныырбынан оччолорго тэрээһин суох буолан дьону сиэбиттэр эбит. Кэлин киһи буолан сааһыран баран ону дьэ өйдөөн, наар толкуйдуур этим. Оччотооҕу дьон бу биһигини күүс өттүтүнэн илдьэн сиэтилэр дьиэн олох өйдөбүлэ суох өлүб буолуохтаахтар», —диэн Чурапчы көһөрүүтүн кыттыылааҕа Анастасия Филиппова бэйэтин санаатын үллэстэр.