Чурапчы нэһилиэгэр карантин биллэрилиннэ

НВК САХА — Чурапчы улууһун Уһун-Күөл нэһилиэгэр өрөспүүбүлүкэ сүрүннүүр бэтэринээрийнэй инспиэктэрин дьаһалынан карантин биллэрилиннэ.

Атырдьах ыйыгар охтубут сүөһү этигэр «эмфизематознай корбункул» дьайы көбүтээччи көстүбүт. Онтон сылтаан нэһилиэнньэлээх пууҥҥа карантин биллэриллибит, ону тэҥэ үүт уонна эт аһылыгы таһаарыы бобуллубут.

Саха сирин бэтэринээринэй департаменын исписэлиистэрэ балтараа тыһыынча кэриҥэ сүөһүгэ быһыы оҥордулар. Икки нэдиэлэ устата дьайы хос булбатахтарына, карантин тохтотуллуо.