Чурапчы улууһугар сири бас билээччилэргэ аналлаах мобильнай сыһыарыыны оҥордулар

Чурапчытааҕы IT -киин тыа хаһаайыстыбатын бас билэр дьоҥҥо аналлаах «Сохрани чек» мобильнай сыһыарыыны оҥордо. Бу туһунан улуус дьаһалтатын пресс-сулууспата иһитиннэрэр.

Сыһыарыы бааһынай хаһаайыстыба салайааччыларыгар уонна урбаанньыттарга Тыа хаһаайыстыбатын сайдыытын улуустааҕы аааҕыныстыбатын базатын дааннайыгар докумуоннарын харайалларыгар көмөлөһүөн сөп.

«Холобур, Иванов, эбэтэр Петров корпоративнай каарталаахтар, күрдьэх, атырдьах, тыраахтар саппаас чааһын атыылаһаллар, атыыласпыт чиэктэрэ тута сыһыарыыга хараллар, оттон чек копияларын IT-кииҥҥэ туһааннаах папкаҕа харайыыга ыыталлар. Чек сүтүөн, сотуллуон сөп, онтон бу докумуону харайарга олус табыгастаах сыһыарыы», — диэтэ киин салайааччыта Иннокентий Бекянов.

Сыһыарыы кыаҕа салгыы кэҥэтиллэрэ былааннанар. Маны таһынан, ИТ-кииҥҥэ бу эйгэнэн дьарыктанар исписэлиистэргэ усулуобуйа тэриллиэҕэ уонна нэһилиэнньэ компьютернай сатабылын үрдэтиигэ үлэ ыытыллыаҕа. Бырайыагы олоххо киллэрэргэ бырагыраама оборудованиетын уонна аныгы IT-бородууктаны кииннэммит атыылаһыыга үп көрүллүөҕэ.