Чурапчы улууһугар тыа хаһаайыстыбатын сайдыытын бырайыагын билиһиннэрдилэр

Чурапчыга тыа хаһаайыстыбатын сайдыытын бырайыагын бүгүн, атырдьах ыйын 20 күнүгэр, билиһиннэрдилэр. Бу туһунан «Якутия 24» ханаал иһитиннэрэр.

«Күн түмүгүнэн, «Тыа сирин хаһаайыстыбатын сайдыытыгар ааҕыныстыба тэрийии» бырайыак көрүлүннэ. Бу быйыл ылыллар, тыа хаһаайыстыбатын сокуонугар уларытыылары кытта сибээстээх. Үүтү оҥорон таһаарыы чааһыгар, тыа хаһаайыстыбатыгар субсидиялааһын систиэмэтэ төрдүттэн уларыйыаҕа», — диэтэ Айсен Николаев.

Бырайыак сүрүн соруга — тыа хаһаайыстыбатын бородууктатын оҥорон таһаарааччылар дохуоттарын үрдэтии. Ол туһугар экономика, үбүлээһин, юридическэй көмүскэл, информационнай арыаллааһын, салаа цифровизациятын боппуруостарын көмүскүүр уонна сайыннарар сорук турар.

«Биһиги сүрүн сорукпут — тыа сирин дьоно элбэх харчыланарын ситиһии. Бу эрэ түгэҥҥэ тыа сирэ сайдар диир кыахтанабыт. 2020-2021 сылларга бу бырайыак ситиһиилээхтик олоххо киирдэҕинэ, эһиил күһүн бырайыак түмүктэрин көрүөхпүт. Бырайыак ситиһиилээхтик олоххо киирдэҕинэ, өрөспүүбүлүкэҕэ барытыгар тарҕаныаҕа», — диэтэ Айсен Николаев.