COVID-19 анаалыһын түмүгэ биллэрэ түргэтиэҕэ

Ил Дархан Айсен Николаев коронавруска анаалыс түмүгэ биллиитин үс-түөрт күнүнэн аччатарага соруйда. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

«COVID-19 анаалыһын түмүгэ биллиитэ 3-4 күнтэн уһуо суохтаах. Дьон суруйарынан анаалыс түмүгэ нэдиэлэнэн биллэр. Бу кэм устата эмтэмэттэр уонна чугас дьонноругар сыһыараллар. Маннык табыллыбат», — диэтэ Айсен Николаев суһал штаб мунньаҕар.

Суһал штаб үлэ хаамыытын уонна түмүк биллэр күнэ аччаабытын туһунан иһитиннэриини алтынньы 30 күнүгэр диэри биллэриэхтээх.

Саха сирин суһал штаб салайааччытын солбуйааччы Ольга Балабкина ыарахан ыарыһах ахсаана үрдээбитин бэлиэтээтэ. Кинии этэринэн, өрөспүүбүлүкэтээҕи клиническэй балыыһаҕа ордук амбулаторно эмтэнэр дьон киирэр.

«Бу балаһыанньаҕа таһыттан эмтэнэр бастакы уонна иккис истиэпэннээх коронавирустаабыт ыарыһахтары түргэнник балыыһаҕа киллэрии быыһыаҕа», — диир СӨ бырабыыталыстыбатын уонна баһылыгын дьаһалтатын пресс-сулууспата.

Өрөспүүбүлүкэ кылаабынай санитарнай бырааһа Маргарита Игнатьева этэринэн, бүгүҥҥү туругунан ыарыһах 86,5 %-на — улахана дьон, 13,5 %-на — оҕолор. Кырдьаҕас дьон ыалдьыыта элбээтэ. Элбэх киһи хантан сыстыбыта биллибэтэ.

Мунньах кыттыылаахтара Дьокуускай уопсастыбаннай тырааныспарыгар элбэх киһи мустуутун кыһалҕатын таарыйдылар. Айсен Николаев оптуобустар сырыыларын интервалын аччатар туһунан эттэ. 2, 3, 8, 35 №-дээх маршруттар суоппардарыгар туһааннаах иһитиннэрии ыытыллыаҕа. Аккаастанар түгэннэригэр, атын таһааччылары аныахтара.