COVID-19 эмтиир быраас стаһа икки төгүл ааҕыллыаҕа

Коронавирустаах ыарыһахтары кытта үлэлиир быраастар биэнсийэлэрин стаһа икки төгүл ааҕыллыаҕа. Бу туһунан ТАСС иһитиннэрэр.

«Коронавирустаах уонна ыалдьыбыт буолуон сөптөөх дьону эмтиир медицинскэй үлэһиттэр биэнсийэлэрин стаһын ааҕыыга ураты бэрээдэк олохтонуоҕа. Ыарыһахтары кытта үлэлээбит биир күннэрэ икки үлэ күнүн курдук ааҕыллыаҕа», — диэн дойду премьер-миниистирэ Михаил Мишустин коронавирус инфекцията киэҥник тарҕаныытын сэрэтэр кординационнай сэбиэт президиумун мунньаҕар кэпсээтэ.

Тустаах быһаарыы Россия бэрэсидьиэнэ Владимир Путин соругунан ылылынна. Бу нуорма 2020 сыл охсунньу 1 күнүттэн сыл бүтүөр диэри туһаныллыаҕа.

Бу уураах олоххо киириитин түмүгэр сыллата түөрт тыһыынча кэриҥэ быраас уонна медицинскэй үлэһит болдьох иннинэ биэнсийэҕэ тахсыан сөп буоларын премьер-миниистир бэлиэтээтэ. Сыллата эбии 325 мөлүйүөн солкуобайы биэнсийэ төлөбүрдэригэр ыытыы бүддьүөккэ көрүллүбүтүн эбэн эттэ.