COVID-19 кэнниттэн аҕыйах антителалаах киһи вакцинация ааһыан сөп

Коронавирустаан да баран, этигэр хааныгар «сиэрэй зонаҕа» эппиэттээбэт аҕыйах антителалаах киһи вакцинация ааһара ирдэнэр. Бу туһунан РИА Новости иһитиннэрэр.

Вирусолог профессор Александр Чепурнов бэлиэтээбитинэн, COVID-19 инфекциятынан ыалдьыы кэнниттэн киһи икки ыйга биирдэ антитела таһымын кэтээн көрүөхтээх. Ону таһынан үтүөрэн баран эмиэ тута антитела аналиһын туттарарга сүбэлээтэ.

«Көрдөрүү араас: сорох киһи үтүөрэн баран икки ый буолаат антителата суох хаалар, онтон сорох киһиэхэ аҕыс да ыйынан антителатын таһыма үрдүк буолар», — диэн кини кэпсээтэ.

Профессор антитела көрдөрүүтэ «сиэрэй зонаттан» намтаата да коронавирус инфекциятын утары быһыы ыларга сүбэлээтэ.