COVID-19-тан быһыыны ылбыт дьахтар өлбүтүн туһунан иһитиннэрии оруна суох

СӨ доруобуйа харыстабылын министиэристибэтэ, биир улууска коронавирустан быһыыны ылбыт дьахтар суорума суолламмытын туһунан социальнай ситимҥэ тарҕаммыт иһитиннэриини, сымыйа сурах буоларын туһунан эттэ. Бу туһунан министиэристибэ пресс-сулууспата иһитиннэрэр.

Тохсунньу 15 күнүнээҕи туругунан, Саха сиригэр коронавирустан быһыыны 1,8 тыһыынчаттан тахса киһи ылбыта бэлиэтэнэр, ол иһигэр иккис төгүллээн — 440 киһи. Быһыыны ылан баран турук мөлтөөһүнэ, дьон олоҕун быстыыта бэлиэтэммэтэ.

«Социальнай ситимнэргэ вакцина доруобуйаҕа буортутун уонна быһыыны ыларга күһэйии баарын туһунан бэрэбиэркэлэммэтэх уонна сымыйа иһитиннэрии элбэх. Гражданнарга бэрэбиэркэлэммит, тустаах иһитиннэриилэргэ эрэнэргэ ыҥырабыт», — диэн иһитиннэриигэ этиллэр.

Туһаана суох иһитиннэрии, сымыйа сурах иһин холуобунай эппиэтинэскэ тардыллыахха сөп.