COVID-19-тан эмсэҕэлээбит салааларга миллиард кэриҥэ солкуобай көрүлүннэ

2020 сылга коронавирус пандемиятын кэмигэр эмсэҕэлээбит салааларга судаарыстыбаттан миллиард кэриҥэ солкуобай көрүлүннэ.

Бу туһунан бүгүн, ахсынньы 17 күнүгэр, бэрэсидьиэн Владимир Путин суруналыыстары кытта пресс-конференция кэмигэр иһитиннэрдэ.

«Биһиги балаһыанньаны үөрэтэбит, салгыы туох буоларын көрүөхпүт», — диэтэ судаарыстыба баһылыга урбааны эбии үбүлээһин боппуруоһугар эппиэттиир кэмигэр.

Владимир Путин бэлиэтээбитинэн, наада буоллаҕына, саҥа өйөбүл миэрэлэрэ көрүллүөхтэрэ.