Дьааҥыга саха сүөһүтүн иитэри былаанныыллар

Дьааҥы улууһугар саха боруода сүөһүтүн иитэри былаанныыллар. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

«Бүгүҥҥү күҥҥэ Саха сиригэр уопсайа 2 200 төбө саха сүөһүтэ баар — Миирнэйгэ, Сунтаарга, Ньурбаҕа, Үөһээ Бүлүүгэ, Горнайга, Аммаҕа, Өймөкөөҥҥө уонна да атын улуустарга», — диэн этиллэр.

2020 сылга Миирнэй Сүлдьүкээригэр, Нам Таастааҕар уонна Ньурба Аканатыгар саха сүөһүтүн иитэр комплекстар тутуллубуттара.

Өрөспүүбүлүк атын улуустарыттан саха сүөһүтүгэр сайаапка киирэ турара бэлиэтэнэр. Холобура Дьааҥы улууһун «Полюс холода» кэтэх хаһаайысытбата 30 төбөнү иитэри былаанныыр.