«Дьиэ кэргэн экономиката» бырагырааманан чурапчылар 33 мөл солк киллэрбиттэр

Чурапчы оройуонун нэһилиэнньэтин дохуота «Дьиэ кэргэн экономиката» бырагырааманан 33 мөлүйүөн солкуобай буолбут. Бу туһунан улуус дьаһалтатын пресс-сулууспата иһитиннэрэр.

«7314 ыалтан 4532 тустаах бырагыраамаҕа кытыннылар. 2020 сыл түмүгүнэн бары хайысхаларынан уопсай дохуоттара 33,2 мөлүйүөн солкуобай буолбут», — диэн иһитиннэриигэ этиллэр.

Ол курдук, пандемиянан сибээстээн, Чурапчы дьаһалтата тоҕус хайысханан өйөбүл бырагыраамаларын киллэрбитэ: кууруссаттан, сибиинньэттэн саҕалаан оҕуруотунан, учаастагынан көмөлөспүтэ. Дьон иннэ гынан эбии дохуоттанан, бэйэтин оҕуруотун аһын сиэн, тус хаһаайыстыбатынан дьарыктанан олордо.