Дьиэ кэргэн экономикатын сайыннарыы бырайыага Саха сиригэр тарҕанара былааннанар

Дьиэ кэргэн экономикатын сайыннарыы бырайыага Саха сиригэр тарҕанара былааннанар. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

«Олохтоох бэйэни салайыныы уорганнарын саҥа көрүүлэригэр олоҕуран, тыа сиригэр улахан суолталаах көҕүлээһини сайыннарар кэм кэллэ. Чурапчы улууһугар бырагыраама 9 хайысхата ситиһиилээхтик олоххо киирдэ. Манна түргэнник ситэр кыылы, көтөрү аҕалыы, теплица атыылаһыыга көмө, оҕуруот, хортуоппуй олордуу, сир учаастагын биэрии тэриллэр», — диэтэ Айсен Николаев.

Чурапчы улууһугар үлэтин түмүгүнэн, өрөспүүбүлүкэ атын улуустара кыттыһыахтара уонна нэһилиэнньэ олоҕун таһыма үрдүүрүгэр көмөлөөх буолуоҕа диэн, дьиэ кэргэн экономикатын сайдыытын өйүүргэ сорук туруоҕа.

Дьиэ кэргэн экономикатын сайыннарыы бырагыраамата кэтэх хаһаайыстыбанан дьарыктаныан уонна бэйэтэ дохуоттаныан баҕарар нэһилиэнньэҕэ туһуланар.

Санатар буоллахха, Чурапчы улууһун дьаһалтата дьиэ кэргэн хаһаайыстыбатын өйүүр сыаллаах сибиинньэ оҕолорун уонна кууруссалары нэһилиэнньэҕэ аҕалбыта.