Дмитрий Давыдов «Чуучала» хартыыната «Кинотавр» киинэ бэстибээлигэр көһүннэ

Саха режиссера Дмитрий Давыдов «Чуучала» («Пугало») этно-драма хайысхалаах хартыыната бүтүн Россиятааҕы «Кинотавр» киинэ бэстибээлин сүрүн куонкуруһугар көһүннэ. Бу туһунан «Саха» НКИХ иһитиннэрэр.

Быйыл сүрүн куонкуруска 78 сайаапкаттан, 13 хартыына талыллан кирдэ. Сүрүн куонкуруска оператордарга, сценаристарга уонна композитордарга ананар бириэмийэлэри ааҕан туран, тоҕус наҕараада көрүллэр.

«Чуучала» («Пугало») киинэҕэ дьону эмтиир ураты күүстээх дьахтар туһунан кэпсэнэр. Сүрүн оруолу Саха сирин үтүөлээх артыыһа Валентина РомановаЧыскыырай толордо.

Түмүгү балаҕан ыйын 18 күнүгэр Сочига биллэриэхтэрэ.