Дмитрий Глуховскай: «Хас биирдии киһиэхэ өйдөнөр тыыннаах историяны суруйдум»

Нуучча суруйааччыта Дмитрий Глуховскай «Тотальнай дьыктаан» тиэкиһигэр ураты, сырдык, тыыннаах остуоруйаны суруйар сыаллаах этим диэбит.

Бүгүн, муус устар 8 күнүгэр, ааптары кытта көрсүһүү уопастыбаннай кииҥҥэ буолла. «Литература олоруохтаах, нуучча литературатын Тостойунан уонна Достоевскайынан муҥурданар дии саныыр дьону бу дьыктаан аныгы суруйууларга уһуйар аналлаах. Онон мин бүгүн манна кэлбиппиттэн олус үөрэбин. Тиэкиһи суруйарга эрдэтээҥи суруйуулары көрбүтүм. Мин дьиэ кэргэним олоҕугар буолбут түгэнтэн тахсыбыт историяны суруйдум», — диэбит суруйааччы. Глуховскай суруйуутун дьыктааҥҥа муус устар 10 күнүгэр Кулаковскай аатынан норуоттар доҕордоһууларын дьиэтигэр ааҕыаҕа.

2021 сылга Россия дьыктаанын киининэн Дьокуускай куорат буолбута. Саха сирин үрдүнэн дьыктаан суруйуутугар 150 тахса былаһаакка оҥоһулунна. «Якутия 24» ханаал дьыктааны 13.30 чаастан 17.00 чааска диэри быһа эфиргэ көрдөрүөҕэ.