Дойду арктическай зонатыгар интернет холбуохтара

Оптоволокно ситимин Мурманскай-Владивосток хайысханан тутан саҕалаатылар. Иннэ гынан Арктика куораттарыгар, нэһилиэктэригэр түргэн интернет киириэҕэ. Бырайыагы Россия тырааныспарка министиэристибэтэ, муора уонна өрүс тырааныспарын федеральнай ааҕыныстыбатын уонна «Росморпорт» тэрилтэ сүрүннүүллэр.

«ВОЛС тутуута Хотугу муора суолугар инфраструктураны сайыннарыаҕа, регионнар цифровой эйгэҕэ киирэллэрин ситиһиэҕэ. Ону таһынан спутник сибээһин солбуйуоҕа, Арктикаҕа углеводороду таһыыга табыгастаах буолуоҕа», — диэн иһитиннэриигэ этиллэр. Оптоволокно ситимин «Морсвязьспутник» тэрилтэ тутуоҕа.