Дьокускайга эбии 180 миэстэлээх икки стационар арыллыаҕа

ОРВИ уонна грипп көбүүтүнэн сибээстээн Дьокускай куорат медицинскэй тэрилтэлэригэр эбии 180 миэстэлээх икки стационар аһыллыаҕа.

Бу туһунан өрөспүүбүлүкэ вице-премьера Ольга Балбкина бүгүн, балаҕан ыйын 16 күнүгэр ыытыллыбыт брифинг кэмигэр иһитиннэрдэ.

«ОРВИ уонна грипп кэминэн сибээстээн үрдүк бэлэмнээх буолуу режимигэр олоробут. Бэлэмнэнии үлэтин чэрчитинэн сүүрээннэри араарар маршрутизация толкуйданна», — диэн эттэ.

Балаҕан ыйын 13 күнүгэр Дьокуускайга өссө биир 60 миэстэлээх инфекционнай стационар арыллыбыта этиллэр.

«Бүгүҥҥү күҥҥэ өрөспүүбүлүкэҕэ 1629 сытар миэстэ тэрилиннэ. Сотору кэминэн эбии 180 миэстэлээх икки стационар арыллыаҕа. Кинилэр арыллыыларын хаамыытынан, балыыһаҕа уһуннук сытыы боппуруоһа быһаарыллыаҕа», — диэн Ольга Балабкина бэлиэтээтэ.