Уу суолунан сырыы сабыллыбытын кэннэ «Дьокуускай – Аллараа Бэстээх» хайысханан сырыы сыаната үрдүө

Уу суолунан сырыы сабыллыбытын кэннэ «Дьокуускай – Аллараа Бэстээх» хайысханан буксуурдаах суудуналарынан сырыы сыаната үрдүө. Бу туһунан СӨ Тырааныспар министиэристибэтин пресс-сулууспата иһитиннэрэр.

Муус тоҥор кэмигэр «Жатай – Төхтүр» хайысханан таһаҕаһы тиэйии ледокол көмөтүнэн ыытыллыа.

«ЛОРП» АУо олохтообут сыаналара: кыра массыыналарга — 3,9 тыһыынча солкуобайтан саҕаланар, таһаҕас массыыналарыгар — 18,8 тыһыынча солкуобайтан саҕаланар, 25-кэ диэри миэстэлээх оптуобустарга – 11,1 тыһыынча солкуобай. Биир тонна таһаҕас тиэйиитэ 2,15 тыһыынча солкуобайга тэҥнэһиэ.