Дьокуускай чугаһыгар тахсыбыт тыа баһаарын кэлэр сууккаҕа умуруоруохтара

Өрөспүүбүлүкэ киин куоратыгар Бүлүү айан суолун оройуонугар тахсыбыт тыа баһаарын кэлэр сууккаҕа умуруоруохтара. Бу туһунан СӨ экологияҕа министиэристибэтин пресс-сулууспата иһитиннэрэр.

Баһаар олохтоохтор ойуурга уоту сэрэҕэ суох туттууларыттан тахсыбыта сабаҕаланар.

«Уот чугастыы баар нэһилиэнньэлээх пуунтан (Бүлүүлүүр суол 16-с килэмиэтирэ СОТ) 4,5 килэмиэтир тэйиччи бара турар. Кэлэр суукка иһигэр баһаар умуруоруллара былааннанар. Нэһилиэнньэлээх пууҥҥа уонна экономика эбийиэктэригэр куттал суоһаабат. Баһаары утары ыыттыллар үлэ хонтуруолга ылылынна», — диэн этиллэр.

Санатар буоллахха, Птицефабрика уонна Бүлүү айан суолун оройуонугар тыа баһаара тахсыбытын туһунан иһитиннэрии бүгүн, атырдьах ыйын 28 күнүгэр күнүс киирбитэ.