Дьокуускай балыыһатыгар пациеннар кварцевай лаампаҕа харахтарын сиэттилэр

Дьокуускай куорат №3-с №-дээх балыыһатыгар КТ-га түһээри уочаракка олорбут пациеннар дезинфекциялыыр лаампа уотугар харахтарын сиэттилэр. Бу туһунан доруобуйа харыстабылын министиэристибэтин пресс-сулууспата иһитиннэрэр.

«Көрүдүөргэ кварцевай лаампа холбонон турбут. Быһылаан түмүгэр түөрт киһи Өрөспүүбүлүкэтээҕи харах балыыһатыттан медицинскэй көмөнү көрдөспүт», — диэн этиллэр.

Икки киһи харах дьэҥкир бүрүөтүн чэпчэки стэпеннээх сиэтиитин ылбыттар, өссө икки киһи — орто степеннээх.

Эмсэҕэлээбит дьоҥҥо салгыы медицинскэй көмөнү оҥорууну вице-премьер Ольга Балабкина тус хонтуруолугар ылла.

«Служебнай силиэстийэ быһаарбытынан, алтынньы 1 күнүгэр Дьокуускай куорат №3-с №-дээх балыыһатыгар кэбиниэт дьуһуурунай симиэнэтэ техническэй тохтобул кэмигэр салгыны ыраастыыр кварцевай лаампаны холбообут. Тохтобул кэнниттэн лаампаны тута араарбыттар. Буруйдаах үлэһиттэр тустаах эппиэтинэскэ тардыллыахтара», — диэн бэлиэтэнэр.