Дьокуускай куоракка Дежнев уулуссатыгар буолбут баһаартан эмэҕэлээбиттэргэ гуманитарнай көмө хомуйаллар

Сэтинньи 26 күнүгэр Дежнев уулусса 79/1 нүөмэрдээх дьиэтигэр буолбут баһаартан эмэсэҕэлээбит дьоҥҥо гуманитарнай көмөнү хомуйан саҕалаатылар. Бу туһунан киин куорат мэрийэтин пресс-сулууспата иһитиннэрэр.

«Олорор дьиэҕэ сыһыан департамена» МКТ-ин салайааччыта Александр Новолоков иһитиннэрэринэн, баһаар түмүгэр 9№ уонна 12№ кыбартыыралар эмсэҕэлээбиттэр. Подъезд барыта уунан ыстарыллыбыт.

«Быстах олор дьиэнэн хааччыйарга 13№ кыбартыыра олохтоохторо сайабылыанньа суруйан көрдөспүттэр».  Кинилэргэ маневреннай фондаттан олорор сир бэриллибит. Ыксаллаах балаһыанньаны уонна баһаартан куттал суох буолуутун сэрэтэр, суох оҥорор хамыыһыйа мунньаҕа   бу дьыаланы сиһилии көрүөҕэ», —  диэн кини тылын тиэрдэллэр.

Автодорожнай уокурук салалтатын кытта үлэлиир уопсастыбанньыктар тутаах үлэһитттэрэ Айталина Крылова иһитиннэрэринэн, эмсэҕэлээччилэргэ үтүө санаалаах дьон гуманитарнай көмөнү оҥорор туһунан этиилэрэ кииртэлээн эрэр.   

«Көмөнү оҥоруон баҕалаах дьон Автодорожнай уокурук быраабатыгар, Ленин уулуссатын 52 №-гэр, иккис этээскэ билсиэхтэрин сөп», — диэн кини этэр.  

Икки этээстээх мас дьиэҕэ 40 киһи регистрациялааҕыттан уона саастарын ситэ илик оҕолор буолалларын бэлиэтииллэр.

1985 сыллаахха тутуллубут элбэх кыбартыыралаах дьиэ  аварийнай да, көһөрүллэр да туруктаах дьиэлэр ахсааннарыгар киирбэт.

Эрдэ биһиги ханаалбыт бу бүгүн буолбут баһаарга биир киһи өлбүтүн иһитиннэрбитэ.